Kosova është tronditur nga vdekja e 18 vjeçarit nga Podujeva, Lulzim Fejzullahu, i cili nuk arriti të iu mbijetojë plagëve pasi u godit me veturë dhe u rrah me shkop të bejsbollit nga dy persona të mitur.

Të shqetësuar janë shprehur edhe vetë qytetarët e Podujevës, të cilët kanë kërkuar dënim për kryerësit e veprës, shkruan Arbresh.info.

Madje, disa prej tyre kërkuan edhe rikthimin e dënimit me vdekje.

“Ma keq çka me mendu, qaj që ka shpirt pak kjo punë keq është. Pa marrë parasysh që edhe ata ishin të rinj, por këto punë ligji i ka faj krejt. Siç tha avokati Tomë Gashi, me bo dënim me vdekje, por me i klasifiku, jo për fëmijë dënim me vdekje”, u shpreh një qytetar para mikrofonit të Arbresh.info.

Një tjetër qytetar potencoi se duhet të dënohen me burgim të përjetshëm.

“Duhet me i stopu këto sene, me e mbledh mendjen ky popull, nuk shkojnë senet kështu me e mbyt njerin… Duhet burg të përjetshëm për mendimin tim”, tha ai.
E disa kërkuan edhe rikthimin e regjimit si në kohën e Enver Hoxhës./Arbresh.info/

Për më shumë ndiqni videon në vazhdim: